Hierdie gevestigde uitvoer tafeldruif groep beskik oor die volgende uitdagende beroepsgeleentheid vir ‘n dinamiese, energieke individu met ʼn passie vir wingerd & pekanneut boerdery om deel van hul span te word.
 
TEGNIESE BESTUURDER: AGRONOMIE
KAKAMAS OMGEWING
 
Vereistes:

• Minimum BSc Agric, maar verkieslik ‘n MSc Agronomie graad, met minstens  10 jaar bewese ervaring in agronomiese tegniese bystand in verkieslik wingerdboerdery en Pekanneute.
• Tegniese kennis op wingerd gesondheid, voeding asook kultivars.
• Toepaslike kennis van Gulf- en Mottech besproeiings rekenaarstelsels.
• Uitstekende bestuur-, leierskap-, en navorsingsvaardighede.
• Sterk kommunikasievaardighede en die vermoë om effektief met spanlede en bestuur te kommunikeer en opleiding te bied.
• Hoë vlak van akkuraatheid en aandag aan detail.
• Goeie rekenaarvaardighede met uitstekende Excel-vaardighede.
• Vaardigheid om onafhanklik onder druk te werk en effektief tyd te bestuur.
• Bogemiddelde probleem oplossing vaardighede en innoverende denke.

Hoof verantwoordelikhede:

• Verantwoordelik vir die gevorderde tegniese ondersteuning van totale wingerd eenhede en pekanneut boorde se besproeiing, bemesting en chemie bestuur wat insluit:
  • Beplanning, skedulering en toepassing van besproeiing in die wingerde en boorde.
  • Beplanning en toepassing van kunsmis in die wingerde en boorde.
  • Beplanning en toepassing van chemiese bespuitings op die wingerde en boorde.
• Ontwikkel en implementeer tegniese opleiding van toepaslike agronomiese onderwerpe.
• Onderhandeling en skakeling met eksterne navorsers i.v.m. navorsingsprojekte.
• Bywoning van Expo ‘s ens. om evaluasie te doen van nuwe tegnologie.
• Byhou van akkurate tegniese rekords.
• Projek beplanning, en -bestuur om doelwitte te bereik.

​Om aansoek te doen, stuur cv met verwysing MTBA voor 18 November 2024 aan recruitment@ovdm.co.za